上午太太要返學，所以佢好早就落街買早餐返黎。
佢快速食完就走，我就同兩個仔慢慢嘆。希言好定好乖咁食佢份早餐，包括麵包同通粉，重有一杯熱阿華田。佢都要自己塗牛油上麵包，我當然唔阻止，由得佢。原本細佬坐係佢架私家座位望住我地食，不過就依依哦哦，所以我決定比佢同我地一齊坐。我叫希言比麵包佢食，就搵左無牛油果部份，分成一細粒一細粒放落佢果口。食到咁上下，就一粒通粉分三份，少少咁比佢食，佢食得好滋味。每食完一粒都會望一望我，好可愛啊！
食飽就同大佬玩，我地欏返佢上年聖誕果份火車頭禮物出黎，慢慢切。
之後細佬開始眼瞓，攪完佢之後而就出廳同希言繼續玩。
好快，太太就放學回家，我地同婆婆同日喬一齊食午餐，係日本菜，希言對果個烏東湯低非常之有興趣，臨走都要將碗湯全部飲晒先走。
之後，就要暫別家人去公公家安裝電腦了。
如果我唔係屋企，希言多數都唔會定定咁坐係度食飯，必定係四處走。今日返到屋企都係一樣，我坐低食飯就叫佢：「快Ｄ過黎坐！」佢就唔敢唔聽，最多帶玩緊既玩具一齊坐。
昊言真係非常之勁，不論任何時候，對身邊既野必定非常之好奇，就算係床或者係沙發，都係爬向佢有興趣既野度。
我最鐘意就係佢扒係我身上既感覺，因為佢個人好熱，所以好舒服，尤其臨瞓前係房開住冷氣玩果陣。
另記，昊言瞓覺果陣，就算開左冷氣都唔需要蓋被的，超勁，我底子差，唔可以好似佢咁。
F.F.
